Dilli sheher ki tanhaion se kuch door nikalte hi…shuru hoti hai zindagi. Agar kuch khatam hoti hai to who hai ek bejaan duniya ki dardnak yaaden aur wahi ghise-pite chand angrezi ke shabd. Welcome to old country bhaiya.
Highway ki seedh pe chalte hue kuch sawal dil ki ghehraiyon se umadne lage. Jaise ki hum kaun hain, kyon hain aur yeh “child beer” kya hota hai?
Doori ke baad kuch aur door chalne pe maloom pada, ki bhai jis tarah school ven, bullet cart aur horn ok please… naam se kam aur kaam se zyaada matlab rakhten hain…theek usi tarah is unhoni ka bhi yahi rahasya hai.
Phir bhi…yeh child beer akhir hai kya…kya yeh bachchon ke liye banayi gayi imported sharab hai ya phir …
Khaer is “child beer” wali baat ko in stephenians ke beech overanalyze na kiya jaye to hi achcha hai.
Nahin to bekar mein “The fortune at the bottom of the pyramid” se lekar Lacan aur Freud tak bhi baat pahuch sakti hai…na na…forum chuppi sadh li jaye.
Safar lamba hai aur mein neendh se timepaas karna zyada pasand karoonga
Beheral angrezi bhasha avam avashyakta aur avishkar ka silsila…swapnlok mein jaari rahega.
Alvida!
1 comment:
Lovely.. it flows beautifully.. love the reference to Stephanians and the Hindi is absolutely yummy!
Post a Comment